Իրանի արտգործնախարար Աբաս Արաղչին հայտարարել է, որ Իրանի և Ռուսաստանի համագործակցությունն այժմ պատմականորեն աննախադեպ սերտ է։ Նրա խոսքով՝ Թեհրանում Ռուսաստանի արտգործնախարար Սերգեյ Լավրովի հետ հանդիպման ընթացքում քննարկվել են հարցերի լայն շրջանակ՝ Եվրոպայից մինչև Արևմտյան Ասիա։ Անդրադարձ է կատարվել նաև Լիբանանին, Պաղեստինին, Ուկրաինային և Եմենին։ Արաղչին նշել է, որ բանակցությունների առանցքային թեմաներից են եղել նաև տնտեսական և միջուկային համագործակցության ընդլայնումը։
