Իսրայելի պաշտպանության նախարար Իսրայել և հերքել է տարածված լուրերն այն մասին, թե Իրանի հարցով տարաձայություններ են եղել քաղաքական ղեկավարության և Իսրայելի պաշտպանության բանակի (ԻՊԲ) միջև։ Այս մասին Կացը գրել է X միկրոբլոգում։ «Իրանի հարցի շուրջ քաղաքական ղեկավարության և Իսրայելի պաշտպանության բանակի (ԻՊԲ) միջև առկա տարաձայնությունների մասին լուրերը բոլորովին անհիմն են և կեղծ։ Պաշտպանության նախարարի պաշտոնը ստանձնելուց ի վեր՝ վարչապետի, իմ և ԻՊԲ-ի միջև Իրանի հարցի շուրջ համակարգումը եղել է լիարժեք, ինչը հանգեցրել է Իսրայել Պետության անվտանգության համար աննախադեպ պատմական ձեռքբերումների»,- ասվում է գրառման մեջ։ Նա հավելել է. «Միանշանակ հայտարարում եմ, որ Իսրայելը մտադրություն չի ունեցել Իսրայելում ընտրություններից առաջ հարձակում սկսել Իրանի վրա․ մենք հստակեցրել ենք, որ եթե Իրանը հարձակվի Իսրայելի վրա, մենք կպատասխանենք մեծ ուժով, իսկ այս թեմայով տարածվող բոլոր լուրերն ամբողջովին կեղծ են»։ Ավելի վաղ իսրայելական «12-րդ ալիքը» հայտնել էր, որ վերջին օրերին վարչապետ Բենիամին Նեթանյահուի և Իսրայելի պաշտպանության բանակի գլխավոր շտաբի պետ Էյալ Զամիրի միջև «աննախադեպ առճակատում» է տեղի ունեցել։ Պատճառը վարչապետի հրահանգն է՝ ձեռնարկելու ռազմական գործողություններ, ինչն, ըստ պաշտպանական գերատեսչության պաշտոնյաների, կարող է հանգեցնել ընտրություններից առաջ Իրանի հետ նոր առճակատման։ Հեռուստաալիքը, հղում անելով անանուն աղբյուրներին, հայտնել է, որ Զամիրը դեմ է եղել ռազմական գործողության իրականացմանը և պահանջել է լրացուցիչ քննարկումներ, ինչպես նաև Նեթանյահուից պահանջել է գործողության իրավական հիմնավորումը հաստատող փաստաթուղթ։
