Երևանի քաղաքապետարանից տեղեկացնում են, որ մայրաքաղաքում տրանսպորտային հոսքերի անցանելիությունն ավելացնելու, խցանումների առաջացումից խուսափելու նպատակով հոկտեմբերի 29-ից, ըստ կից ներկայացվող սխեմայի, երթևեկության կազմակերպման փոփոխություն կկատարվի Աճառյան 1-ին փակուղում: Միաժամանակ տեղեկացվում է, որ ՆԳՆ-ի կողմից նշված հատվածում տեղադրվել են երթևեկության նկատմամբ վերահսկողության և իրավախախտումներ արձանագրող տեսախցիկներ:
