ԱՄՆ պետքարտուղար Մարկո Ռուբիոն հոկտեմբերի 31-ին հայտնել է, որ G20-ի շրջանակում կարճ զրույց է ունեցել Ռուսաստանի արտգործնախարար Սերգեյ Լավրովի հետ։ Նրանք քննարկել են երկու երկրների առաջնորդների՝ նոյեմբերին Չինաստանի Շենժեն քաղաքում կայանալիք ԱԽՏՀ գագաթնաժողովի շրջանակում հնարավոր հանդիպումը։ Ռուբիոն ընդգծել է, որ Լավրովի հետ պաշտոնական հանդիպում չի ունեցել։ Մինչդեռ Ռուսաստանի արտգործնախարարն ավելի վաղ նշել էր, որ իրենց զրույցը բավականին լավ է անցել։ Լավրովի մասնակցությունը G20-ի հանդիպմանը լարվածություն է առաջացրել եվրոպական երկրների շրջանում՝ Ռուսաստանի՝ Ուկրաինա ներխուժումից հետո։ Դեկտեմբերին Մայամիում կայանալիք G20-ի գագաթնաժողովին ԱՄՆ նախագահ Դոնալդ Թրամփը հրավիրել է նաև Վլադիմիր Պուտինին։ Հոկտեմբերի 31-ին նա հայտարարել է, որ դեմ չի լինի գագաթնաժողովին հրավիրել նաև Ուկրաինայի նախագահ Վոլոդիմիր Զելենսկուն։
