Յարոսլավլի «Սլավնեֆտ-ՅԱՆՕՍ» նավթավերամշակման գործարանում հարվածից հետո առնվազն յոթ հրդեհի օջախ է առաջացել, որոնցից հինգն առանձնապես խոշոր են եղել։ Այս մասին վկայում են դեպքի վայրից հրապարակված լուսանկարները։ «Սլավնեֆտ-ՅԱՆՕՍ»-ը Ռուսաստանի հինգ խոշորագույն նավթավերամշակման գործարաններից մեկն է։ Ձեռնարկությունն արտադրում է բենզին, դիզելային վառելիք և ավիացիոն կերոսին, որոնք օգտագործվում են ինչպես քաղաքացիական, այնպես էլ ռազմական ոլորտներում։ Հրապարակման հեղինակը պնդում է, որ գործարանը երկար ժամանակով դադարեցրել է աշխատանքը, սակայն այս տեղեկությունը պաշտոնապես հաստատված չէ։
