Երևանի քաղաքապետարանից հայտնում են, որ նոյեմբերի 7-14-ը Երևանի քաղաքապետարանի գլխավոր հովանավորությամբ Երևանում կանցկացվի 18-րդ «ՌեԱ» (Ռեանիմանիա անիմացիոն ֆիլմերի և պատկերապատման արվեստի) միջազգային փառատոնը։ Փառատոնի հանդիսավոր բացման արարողությունը տեղի կունենա նոյեմբերի 7-ին Կինոյի տանը, իսկ բացման ֆիլմն է ֆրանսիացի ռեժիսոր Սեբաստիան Լոդենբախի «Կարմեն. ըմբոստ թռչնակը» (Viva Carmen!) անիմացիոն երաժշտական դրաման:
