Իրանի իշխանությունները հակամարտության կարգավորման շուրջ ԱՄՆ-ի հետ հաղորդագրությունների փոխանակման ընթացքում չեն անդրադառնում երկրի միջուկային ծրագրի հետ կապված հարցերին: Այս մասին հայտարարել է Իրանի արտաքին գործերի նախարարության ներկայացուցիչ Էսմայիլ Բաղային մամուլի ասուլիսում։ «Այս փուլում մեր ուշադրությունը կենտրոնացած է պատերազմի ավարտի վրա։ Ինչ վերաբերում է միջուկային հարցին, Իրանի նյութերին և հարստացման հետ կապված թեմաներին, ինչ որոշումներ կընդունվեն, և ինչ տարբերակներ կքննարկվեն, հարց է, որը մենք անպայման կքննարկենք, երբ գա ժամանակը», – նրա խոսքերն է մեջբերում ՏԱՍՍ-ը: Բաղային նաև հայտնել է, թե ինչ պահանջներ է ներկայացրել Իրանը հակամարտության կարգավորման ԱՄՆ-ի առաջարկին ի պատասխան։ ԱՄՆ նախագահը, սակայն, մերժել է Իրանի պատասխանը՝ այն որակելով «անընդունելի»։
