Շանսերը, որ նրանք կկարողանան ինչ-որ բանի հասնել, շատ լավ են թվում: Այս մասին ասել է ԱՄՆ նախագահ Դոնալդ Թրամփը՝ Սպիտակ տանը լրագրողների հետ զրույցում, հայտնում է ՏԱՍՍ-ը: «Նրանք հենց հիմա ուղղակիորեն փոխգործակցում են մեր մարդկանց և Իրանի հետ»,- հայտարարել է նա: «Շանսերը, որ նրանք կկարողանան ինչ-որ բանի հասնել, շատ լավ են թվում»,- հավելել է ամերիկյան առաջնորդը՝ նկատի ունենալով Իրանի հետ համաձայնությունների հասնելու հնարավորությունը, որոնք, մասնավորապես, նախատեսում են, որ Թեհրանը չի կարողանա միջուկային զենք ստանալ: «Եվ եթե մենք կարողանանք անել դա՝ առանց Իրանը հիմնահատակ ռմբակոծելու, ես շատ ուրախ կլինեմ»,- ընդգծել է ԱՄՆ նախագահը: Հիշեցնենք, որ ավելի վաղ Թրամփը հայտարարել էր, որ Կատարի, Սաուդյան Արաբիայի և ԱՄԷ առաջնորդները խնդրել են հետաձգել Իրանի դեմ ռազմական հարձակումը, որը նախատեսված էր այսօր, քանի որ այժմ լուրջ բանակցություններ են ընթանում համաձայնագրի շուրջ:
