«Դասեր» հաղորդաշարում սահմանադրագետ, քաղաքագետ, միջազգայնագետ Վարդան Պողոսյանը, ի թիվս այլ հարցերի, անդրադարձել է նաև առաջիկա խորհրդարանական ընտրություններին։ Նրա խոսքով՝ հունիսի 7-ին ընտրություններում Հայաստանի ճակատագիրն է որոշվելու: «Ես ուզում եմ շատ հստակ շեշտել, որ եթե մենք ունենալու ենք Հայաստանի Հանրապետություն, այդ անունը կրելու պատիվը կարող ենք ունենալ այն ժամանակ, երբ ինքներս մեր ճակատագիրը կորոշենք: Այսօր մեր ճակատագիրը որոշում է մի մարդ, ով հայկականության հետ որևէ կապ չունի: Միգուցե 2018-ին էլ չուներ, բայց քչերը դա տեսան»,- ասաց նա: Վերջինս նկատեց՝ հ ունիսի 7-ի համար կան շատ պարզ բանաձևեր. առաջինն այն է, որ պետք է գնալ ընտրության, որովհետև չգնալով՝ արհեստական առավելություն ես տալիս Նիկոլ Փաշինյանին, ով տիրապետում է ահռելի ռեսուրսների, այդ թվում՝ վարչական:
