Հայաստանում և Վրաստանում ամփոփվեց Հայաստանի գիտության և տեխնոլոգիաների հիմնադրամի (FAST) նախաձեռնած WIN4Education տարածաշրջանային ծրագիրը։ Վեց ամիս շարունակ Հայաստանից և Վրաստանից ծրագրում ներգրավված ավելի քան 200 մարզաբնակ կանայք և երիտասարդներ անցել են ԳՏՃՄ կրթությունն ու ձեռնարկատիրությունը միավորող կարողությունների զարգացման և մենտորության անվճար ծրագիր՝ բացահայտելով իրենց կրթական փորձառությունը նորարարական գաղափարների վերածելու ներուժը։ Ծրագրի հայաստանյան փուլը պաշտոնապես ամփոփվել է մայիսի 23-ին՝ ԵՊՀ Ինովացիոն լուծումների և տեխնոլոգիաների կենտրոնում (ISTC) անցկացված «Լավագույն գաղափար» եզրափակիչ մրցույթով։
