Զարկերակային գերճնշման համաշխարհային օրվա այս տարվա կարգախոսն է. «Միասին վերահսկենք զարկերակային գերճնշումը»՝ տեղեկացնում են ՀՀ առողջապահության նախարարությունից: Սրտանոթային համակարգի ամենատարածված քրոնիկական հիվանդություններից է զարկերակային գերճնշումը (արյան բարձր ճնշումը)։ Այն հաճախ երկար ժամանակ ընթանում է առանց ախտանիշների։ Չբացահայտված կամ չկարգավորված զարկերակային գերճնշումը կարող է բարձրացնել սրտամկանի ինֆարկտի, գլխուղեղային կաթվածի, սրտային անբավարարության, երիկամների վնասման և այլ բարդությունների ռիսկը։ Ուստի, կարևոր է իրազեկ լինել զարկերակային գերճնշման կանխարգելման, վաղ հայտնաբերման և արդյունավետ կարգավորման հարցերին։ Զարկերակային գերճնշման զարգացմանը նպաստում են բազմաթիվ գործոններ՝
