Հայտնի են Հայաստանի ֆուտզալի հավաքականի մրցակիցներն աշխարհի 2028 թվականի առաջնության որակավորման հիմնական փուլում։ Այս մասին հայտնում է Հայաստանի ֆուտբոլի ֆեդերացիան: Հայաստանի հավաքականն ընդգրկված է առաջին խմբում, որտեղ կհանդիպի Հունգարիայի ու Շվեդիայի հավաքականներին։ Որակավորման փուլում ընդգրկված է 36 թիմ, որոնք բաժանվել են 12 խմբի՝ յուրաքանչյուրում 3 թիմ։ Հանդիպումները կմեկնարկեն 2026 թվականի հոկտեմբերից և կշարունակվեն մինչև 2027 թվականի մարտ։
