ՆԱՏՕ-ի հարավային հարևանության հարցերով հատուկ ներկայացուցիչ Խավիեր Կոլոմինան այցելել է Կատար՝ քննարկելու Պարսից ծոցում տիրող իրավիճակը։ Հյուսիսատլանտյան դաշինքի պաշտոնական կայքում տարածված հաղորդագրության մեջ նշվում է, որ Կոլոմինան հանդիպել է Միջազգային համագործակցության պետքարտուղար Մարիամ բինթ Ալի բին Նասեր ալ-Միննադի և Կատարի զինված ուժերի շտաբի պետ, գեներալ-լեյտենանտ Ջասիմ բին Մոհամմեդ ալ-Մաննայի հետ։ Նշվում է, որ Խավիեր Կոլոմինայի քննարկումները կենտրոնացած են եղել տարածաշրջանային անվտանգության միջավայրի փոփոխվման և ՆԱՏՕ-Կատար համագործակցությունը խորացնելու հնարավորությունների վրա:
