Սննդամթերքի անվտանգության տեսչական մարմնի ղեկավարի որոշմամբ՝ կասեցվել է Երևանում Արշակունյաց 52/52 հասցեում «88 սուպերմարկետ»-ում գործող «ՆՆ Հոլդինգ» ՍՊ ընկերությանը պատկանող հացաբուլկեղենի արտադրամասի արտադրական գործունեությունը: Ինչպես տեղեկանում է ՍԱՏՄ-ի տարածած հաղորդագրությունից, իրականացված ստուգման արդյունքում պարզվել է, որ արտադրամասն աշխատում է իրավական ակտերով սահմանված պահանջների խախտումներով։ Մասնավորապես՝ «ՆՆ Հոլդինգ» ընկերության տնօրենին հանձնարարվել է ձեռնարկել անհրաժեշտ միջոցներ և հացի արտադրամասը համապատասխանեցնել օրենսդրությ ան պահանջներին: Խախտումների վերացման համար սահմանվել է ժամկետ:
