Խորհրդային դերասանուհի և բալերինա Նատալյա Տրուբնիկովան, որը հայտնի էր «31 հունիս» ֆիլմում արքայադուստր Մելիսենտեի դերակատարմամբ, մահացել է օգոստոսի 10-ին՝ 71 տարեկանում։ Նատալյա Տրուբնիկովան ծնվել է 1955 թվականի հուլիսի 17-ին Մոսկվայում։ Կինոյում Տրուբնիկովան իր նորամուտը նշել է 1976 թվականին «12 աթոռ» ֆիլմում, որտեղ մարմնավորել է Օստապ Բենդերի երևակայության մեջ հայտնված նավի նավապետին։ Նրան առավել մեծ ճանաչում է բերել արքայադուստր Մելիսենտեի գլխավոր դերը Լեոնիդ Կվինիխիձեի «31 հունիս» երաժշտական ֆիլմում, որը էկրան է բարձրացել 1978 թվականին։ Հետագայում դերասանուհին նկարահանվել է «Ծաղրածու», «Գլխարկ», «Մահ՝ թռիչքի ժամանակ», «Սիրո բանաձև», «Ձյունե թագուհու գաղտնիքը», «Երազող», «Երաժշտական խաղեր» ֆիլմերում, ինչպես նաև «Ալյասկա Քիդ» սերիալում։
