2026 թվականի ամառը կինոթատրոնների համար դարձել է ամենահաջողը 2019 թվականից ի վեր․ ԱՄՆ-ում կինովարձույթի եկամուտը գերազանցել է 4 միլիարդ դոլարը։ Ամռան գլխավոր հիթը եղել է «Spider-Man: Brand New Day» կամ «Սարդ-մարդը․ նոր օր»-ը, որը մեկնարկային հանգստյան օրերին հավաքել է 360 միլիոն դոլար, իսկ համաշխարհային վարձույթում արդեն անցել է 2 միլիարդ դոլարը։ Հաջողություն է գրանցել նաև Քրիստոֆեր Նոլանի «The Odyssey» («Ոդիսական») ֆիլմը՝ հավաքելով 1,29 միլիարդ դոլար։ Կինոարդյունաբերության ներկայացուցիչները վստահ են, որ տարեվերջին սպասվող խոշոր պրեմիերաները կարող են պահպանել այս աճը և 2026 թվականի կինովարձույթի եկամուտը հասցնել համավարակից հետո ամենաբարձր մակարդակին։
