Շվեյցարական Ալպերում սառցադաշտի հալոցքի հետևանքով հայտնաբերվել են 1992 թվականին անհետացած երկու բելգիացի լեռնագնացի մարմին։ Մարդկային մնացորդները հայտնաբերել է արշավականը՝ Լյուցեռնի հարավում գտնվող Թրիֆտ սառցադաշտի հալվելուց հետո։ ԴՆԹ հետազոտությունը հաստատել է, որ դրանք 39 և 41 տարեկան երկու բելգիացու մարմիններն են, որոնք անհետացել էին Վայսմիս լեռան շրջանում։ Շվեյցարիայում նման դեպքերը վերջին տարիներին ավելի հաճախակի են դարձել՝ սառցադաշտերի արագ հալվելու պատճառով։ Գիտնականները սառցադաշտերի հալոցքի արագացումը կապում են գլոբալ տաքացման հետ։
