Գերմանիան և Ռուսաստանը պահպանում են ընդհանուր դիվանագիտական շփումները։ Ինչպես տեղեկանում է ՏԱՍՍ գործակալությունից, այդ մասին ճեպազրույցի ժամանակ լրագրողներին հայտնել է Գերմանիայի արտաքին գործերի նախարարության ներկայացուցիչ Մարտին Գիզեն։ «Այո, անշուշտ, կապ կա. նախկինի նման աշխատում է մեր դեսպանությունը Մոսկվայում, նախկինի նման կա Ռուսաստանի դեսպանությունն այստեղ (Բեռլինում)։ Կան սովորական դիվանագիտական շփումներ, որոնք անհրաժեշտ են այդ աշխատանքն ապահովելու համար», – ասել է նա:
