Գերմանիայի Օսնաբրյուկ քաղաքում գտնվող Volkswagen-ի գործարանը, որտեղ ավտոմեքենաների արտադրությունը նախատեսվում էր դադարեցնել հաջորդ տարի, կարող է վերածվել պաշտպանական արտադրության կենտրոնի։ Այդ մասին գրում է Financial Times-ը։ Ձեռնարկության նկատմամբ վերահսկողությունը կստանձնեն Aurelius Capital-ը և Ներքին Սաքսոնիայի իշխանությունները։ Գործարանը նախատեսվում է օգտագործել Գերմանիայի և եվրոպական այլ երկրների համար հակաօդային պաշտպանության համակարգերի ու դրանց բաղադրիչների արտադրության նպատակով։ Առաջին խոշոր նախագծերից մեկը նախատեսվում է իրականացնել իսրայելական Rafael Advanced Defense Systems ընկերության հետ համագործակցությամբ, որը «Երկաթե գմբեթ» ՀՕՊ համակարգի արտադրողն է։
