Իտալիայի Սիցիլիա կղզու Կատանիա քաղաքի օդանավակայանը Էթնա հրաբխի ժայթքման պատճառով ժամանակավորապես դադարեցրել է բոլոր ժամանող չվերթների ընդունումը։ Օդանավակայանը հայտնել է, որ որոշումը կապված է հրաբխի ակտիվության հետ։ Ուղևորներին խորհուրդ է տրվում օդանավակայան մեկնելուց առաջ ճշտել իրենց չվերթի կարգավիճակը ավիաընկերությունից։ Էթնան Եվրոպայի ամենաբարձր գործող հրաբուխն է։ Անցած ամիս դրա ժայթքումը շուրջ 10 օր խաթարել էր օդանավակայանի աշխատանքը՝ հանգեցնելով մոտ 1000 չվերթի չեղարկման կամ հետաձգման։
