Եվրոպայում բնական գազի գինը սեպտեմբերի 14-ին հասել է 2022 թվականի վերջից ի վեր ամենաբարձր մակարդակին։ Ամստերդամի TTF բորսայում գազի ամսական ֆյուչերսների արժեքը աճել է ավելի քան 5 տոկոսով՝ հասնելով 83,75 եվրոյի՝ մեկ մեգավատտ-ժամի դիմաց։ Գների աճը պայմանավորված է Մերձավոր Արևելքից հեղուկացված բնական գազի մատակարարումների հնարավոր խափանումների վերաբերյալ մտահոգություններով։ Շուկաների վրա ազդում է նաև Հորմուզի նեղուցի շուրջ ստեղծված իրավիճակը, ինչպես նաև տարածաշրջանում շարունակվող ռազմական էսկալացիան։ Միաժամանակ աճել են նավթի գները։ Brent տեսակի նավթի արժեքը գերազանցել է մեկ բարելի դիմաց 107 դոլարը, իսկ ամերիկյան WTI-ն մոտեցել է 103 դոլարին։ Երկու տեսակի նավթն էլ օրվա ընթացքում թանկացել է ավելի քան 2 տոկոսով։ Տարվա սկզբից Եվրոպայում գազի գինը գրեթե եռապատկվել է, մինչդեռ Brent տեսակի նավթը թանկացել է մոտ 80 տոկոսով։ Շուկայի իրավիճակն առավել մտահոգիչ է նաև այն պատճառով, որ Եվրոպայում ձմռանն ընդառաջ գազի պահեստարանների համալրման տեմպերը դանդաղել են։
