Միացյալ Թագավորության վարչապետ Էնդի Բըրնհեմի գրասենյակը Շոտլանդիայի, Ուելսի և Հյուսիսային Իռլանդիայի ղեկավարներին կոչ է արել կենտրոնանալ քաղաքացիների կենցաղային ֆինանսական խնդիրների թեթևացման վրա, այլ ոչ թե անկախության և սահմանադրական փոփոխությունների շուրջ քննարկումների։ Բերնհեմի ներկայացուցիչը նշել է, որ վարչապետը հավատարիմ է Միացյալ Թագավորության բոլոր չորս երկրների համար փոփոխություններ ապահովելուն և աջակցում է երկրի միասնությանը։ Նրա խոսքով՝ Միացյալ Թագավորությունն առավել ուժեղ է, երբ հասարակությունը համախմբվում է ընդհանուր արժեքների և խնդիրների լուծման շուրջ, այլ ոչ թե բաժանվում սահմանադրական վեճերի պատճառով։ Բըրնհեմի կառավարությունը, ըստ նրա, շարունակելու է աշխատել տնային տնտեսությունների ֆինանսական ճնշումը թեթևացնելու և տնտեսական անվտանգությունն ամրապնդելու ուղղությամբ։
