Ավստրալական ռոքի լեգենդ Քրիսի Ամֆլեթի մահից ավելի քան մեկ տասնամյակ անց նրա ձայնը կրկին կհնչի․ երաժշտուհու երեք կորած երգերը հայտնաբերվել են ավտոտնակում։ «Divinyls» ռոք խմբի վոկալիստ Ամֆլեթը հայտնի էր իր խռպոտ ձայնով և բեմական վառ կերպարով։ Նրա ամենահայտնի երգերից է 1990 թվականի «I Touch Myself» հիթը, ինչպես նաև «Pleasure and Pain» և «Boys in Town» երգերը։ 1998 թվականին Ամֆլեթը երեք երգ էր ձայնագրել Նոր Զելանդիայի «Split Enz» խմբի նախկին վոկալիստ Թիմ Ֆինի հետ։ Երգերը երկար ժամանակ համարվում էին կորած, մինչև Ֆինն 2023 թվականին դրանք գտավ իր ավտոտնակում։ Երգերը ուրբաթ օրը կթողարկվեն Some Times խորագրով մինի ալբոմի (EP) կազմում։ Ֆինն ու Ամֆլեթը երգերը գրել և ձայնագրել էին Սիդնեյում՝ մի քանի օրվա ընթացքում։ Ձայնագրությանը մասնակցել էր նաև Ամֆլեթի հետագայում ամուսինը՝ թմբկահար Չարլի Դրեյթոնը։
