Ուկրաինայի նախագահ Վոլոդիմիր Զելենսկին Փիրս Մորգանի հետ հարցազրույցում հայտարարել է, որ իրեն դավաճանված է զգում ԱՄՆ նախագահ Դոնալդ Թրամփի կողմից։ Զելենսկին նաև նշել է, որ չի ընդունում Ուկրաինայի վերաբերյալ գործարքի՝ Թրամփի առաջարկած հայեցակարգը։ «Մենք մեր երկիրը չենք վաճառում։ Սա մեր տունն է, այստեղ են մեր երեխաները, և հենց այդ պատճառով է սա մեզ համար այդքան կարևոր»,- ասել է Զելենսկին։ Հարցազրույցի ընթացքում անդրադարձ է եղել նաև Starlink արբանյակային կապի համակարգին և Իլոն Մասկին։ Երբ լրագրողը հարցրել է՝ ի՞նչ ուղերձ ունի Զելենսկին Մասկի համար, Ուկրաինայի նախագահը պատասխանել է, որ Starlink-ի հետ կապված որոշումը «մեծ սխալ է»։ Հարցին՝ արդյոք այդ որոշման հետևանքով մարդիկ կմահանա՞ն, Զելենսկին պատասխանել է՝ «Իհարկե, մարդիկ կմահանան»։ Զելենսկին նաև կոչ է արել վերականգնել Starlink-ի հասանելիությունը՝ հայտարարելով. «Մենք խնդրում ենք միացնել այն»։
