Հռոմի պապ Լեւոն XIV-ի ապաքինումը թոքի ստորին բլթի հեռացման վիրահատությունից հետո ընթանում է սպասվածի համաձայն. հայտնել է Վատիկանը։ Բժիշկների խոսքով՝ 71-ամյա պապն արդեն սկսել է քայլել և վերադարձել է սնվելու իր սովորական ռեժիմին։ Վիրահատությունը տևել է մոտ մեկուկես ժամ։ Վիրահատությունն իրականացվել է երեքշաբթի կեսօրից հետո՝ Հռոմի Ջեմելլի հիվանդանոցում։ Վատիկանի հաղորդմամբ՝ միջամտությունն անցել է հաջողությամբ՝ առանց բարդությունների։ Բժիշկների խոսքով՝ չորեքշաբթի վաղ առավոտյան կատարված արյան անալիզներն ու ռենտգեն հետազոտությունը ցույց են տվել, որ պոնտիֆիկոսի ապաքինումը բնականոն ընթացք ունի։ Նրան նաև շնչառական ֆիզիոթերապիայի կուրս է նշանակվել։ Սպասվում է, որ Լեւոն XIV-ը վիրահատությունից հետո ապաքինվելու նպատակով հիվանդանոցում կմնա մոտ մեկ շաբաթ։
