ԱՄՆ պաշտպանության նախարար Փիթ Հեգսեթը դեռ չի հաստատել Patriot հակաօդային պաշտպանության համակարգերի մատակարարումն Ուկրաինային, հայտնում է The Wall Street Journal-ը՝ հղում անելով աղբյուրներին։ Թերթի տվյալներով՝ Պենտագոնի ղեկավարը պաշտոնապես չի մերժել Կիևի խնդրանքը, սակայն դեռ անհրաժեշտ քայլեր չի ձեռնարկել համակարգերի փոխանցումը հաստատելու համար։ Ձգձգումը տեղի է ունենում ԱՄՆ նախագահ Դոնալդ Թրամփի և Ուկրաինայի նախագահ Վոլոդիմիր Զելենսկու հարաբերությունների սրման ֆոնին։
