Հայաստանն այսօր կանգնած է տնտեսական զարգացման սկզբունքային ընտրության առաջ։ Մի կողմից խոսում ենք գիտելիքահեն, մարդակենտրոն, ժամանակակից տնտեսություն կառուցելու մասին, մյուս կողմից հանքարդյունաբերությունն ավելի մեծ տեղ է զբաղեցնում երկրի տնտեսական առաջնահերթություններում։ Ամուլսարի շահագործման մեկնարկն այս հակասությունը հատկապես տեսանելի դարձրեց։ COP17-ի օրերին բնապահպանական կազմակերպությունները բարձրաձայնեցին իրենց հիասթափությունը՝ պնդելով, որ տարիներ շարունակ բարձրացված հարցերը դեռ պատասխան չունեն։ Քննարկվում են նաև համայնքների մասնակցության իրավական փոփոխություններ։ Ո՞ւր է գնում Հայաստանը, ո՞վ է որոշում զարգացման գինը և ինչպե՞ս ենք համատեղելու տնտեսական շահը, բնության պահպանությունն ու մարդկանց իրավունքները։ Այս և ներքաղաքական վերջին զարգացումների մասին զրուցելու ենք Ազգային ժողովի պատգամավոր, շրջակա միջավայրի նախկին նախարար Հակոբ Սիմիդյանի հետ։ Առավել մանրամասն՝ տեսանյութում
