Իսպանիայի թագուհի Նորին Մեծություն Սոֆիան հոկտեմբերի 27-ին ժամանել է Հայաստանի Հանրապետություն: ԿԳՄՍ նախարարությունից հայտնում են, որ «Զվարթնոց» միջազգային օդանավակայանում Նորին Մեծությանը դիմավորել է Հայաստանի կրթության, գիտության, մշակույթի և սպորտի նախարար Ժաննա Անդրեասյանը։ Թագուհու այցը Հայաստան կտևի մինչև հոկտեմբերի 29-ը։ Այցի շրջանակում Նորին Մեծությունը կմասնակցի Արքայազն Թալալի անվան մարդկային զարգացման միջազգային մրցանակի հանձնման հանդիսավոր արարողությանը, ինչպես նաև կայցելի Հայաստանի պատմամշակութային վայրեր և կմասնակցի մշակութային ու Հայաստան֊Իսպանիա բարեկամական կապերին նվիրված միջոցառումների:
