Ատոմային էներգիայի միջազգային գործակալության (ԱԷՄԳ) ղեկավար Ռաֆայել Գրոսին անընդունելի է համարում Զապորոժիեի ատոմային էլեկտրակայանի աշխատակիցների վրա գրոհները։ Այս մասին նշված է X-ում ԱԷՄԳ տարածած հաղորդագրության մեջ։ Գործակալությունը տեղեկացնում է, որ հոկտեմբերի 29-ին անօդաչու թռչող սարքի գրոհի հետևանքով զոհվել է Զապորոժիեի ԱԷԿ-ի աշխատակիցը՝ վերանորոգման արտադրամասի եռակցողը։ «Գրոսին հայտնել է, որ ատոմային էլեկտրակայանի անձնակազմի վրա ցանկացած հարձակում բացարձակապես անընդունելի է և խախտում է զինված հակամարտության ժամանակ միջուկային անվտանգության յոթ անփոխարինելի հիմնասյուները», – ասվում է հաղորդագրության մեջ։ Նշվում է, որ Գրոսին կրկին կոչ է արել առավելագույն ռազմական զսպվածություն ցուցաբերել հակամարտության ընթացքում միջուկային վթարի վտանգը կանխելու համար։ Զապորոժիեի ատոմային էլեկտրակայանը ռուսական ուժերի վերահսկողության տակ է անցել Ուկրաինայի դեմ ռազմական գործողությունների առաջին օրերին՝ 2024 թ. մարտի 4-ին՝ Էներգոդարում մարտերից հետո։
