Բրազիլիայում մինչև 20 տարեկան ֆուտբոլիստների առաջնության հանդիպման ժամանակ զանգվածային ծեծկռտուք է սկսվել «Ուբերլանդիա» և «Մամորե» թիմերի միջև։ Բրազիլական լրատվամիջոցների փոխանցմամբ՝ միջադեպը տեղի է ունեցել խաղի 54-րդ րոպեին։ Ֆուտբոլիստների միջև սկսված վեճն արագ վերածվել է զանգվածային բախման։ Հանդիպման մրցավարները կարմիր քարտ են ցույց տվել 53 մարդու, այդ թվում՝ 43 ֆուտբոլիստի, 8 մարզչի և ակումբների ղեկավարության 2 ներկայացուցչի։
