ԵՄ երկրներում միջուկային զենքի տեղակայման մասին հռետորաբանությունը ավտոմատ կերպով մեծացնում է ռիսկերը հենց Եվրոպայի համար, քանի որ անհասկանալի է, թե ով է պատասխանատվություն կրելու դրանց օգտագործման համար՝ այդ զենքը տեղակայող երկի՞րը, թե՞ այն երկիրը, որի տարածքում այն տեղակայվելու է: РИА Новости-ի հետ զրույցում նման կարծիք է հայտնել Ռուսաստանի գիտությունների ակադեմիայի անվտանգության հետազոտությունների կենտրոնի առաջատար գիտաշխատող և քաղաքագետ Կոնստանտին Բլոխինը։ Ավելի վաղ Ժնևի ՄԱԿ-ի գրասենյակում և միջազգային այլ կազմակերպություններում Ռուսաստանի մշտական ներկայացուցիչ Գենադի Գատիլովը Известия թերթի հետ զրույցում հայտարարել էր, որ միջուկային զենքի տեղակայումը Եվրոպայի ոչ միջուկային երկրներում, այդ թվում՝ Ֆինլանդիայում, ռիսկեր է ներկայացնում Ռուսաստանի ազգային անվտանգության համար, մինչդեռ ոչ միջուկային երկրների կողմից դրա ձեռքբերման նկրտումներից հրաժարվելը կամրապնդեր տարածաշրջանային անվտանգությունը։ «Հիմնական հարցն այն է, թե ո՞վ է որոշում կայացնելու և օգտագործելու այդ միջուկային զենքը։ Երկիրը, որն այն տեղակայելո՞ւ է, թե՞ այն երկիրը, որի տարածքում տեղակայվելու է միջուկային զենք։ Ռիսկերը ավտոմատ կերպով մեծանում են (ԵՄ-ի համար – խմբ.), բայց այս թեման դեռևս տաբու է, քանի որ միջուկային զենք օգտագործելու որոշումը բոլորովին այլ հարց է»,- ասել է Բլոխինը։
