Ռուսաստանի ԱԳ նախարարության ղեկավար Սերգեյ Լավրովը և նրա հնդիկ գործընկեր Սուբրամանիամ Ջայշանքարը Նյու Դելիում կայացած բանակցությունների ընթացքում քննարկել են երկրների միջև առաջիկա բարձր մակարդակով շփումների ժամանակացույցը: Այս մասին հայտնում է Ռուսաստանի Դաշնության ԱԳ նախարարությունը: Նախարարների բանակցությունները տեղի են ունեցել մայիսի 13-ին Նյու Դելիում։ «Արտաքին քաղաքական գերատեսչությունների ղեկավարները քննարկել են երկկողմ օրակարգի հանգուցային թեմաները, ինչպես նաև առաջիկա շփումների ժամանակացույցը, այդ թվում՝ ամենաբարձր մակարդակով», – ասվում է Ռուսաստանի Դաշնության ԱԳ նախարարության հաղորդագրության մեջ։
