Կատալոնական «Բարսելոնան» և հարձակվող Ռոբերտ Լևանդովսկին դադարեցրել են նոր պայմանագրի շուրջ բանակցությունները: Այս մասին հայտնել է լրագրող Ֆաբրիցիո Ռոմանոն Х սոցիալական ցանցի իր էջում։ «Ռոբերտ Լևանդովսկի և «Բարսելոնա». նոր պայմանագրի շուրջ բանակցությունները լիովին դադարեցվել են, և ամռանը նրա հեռանալն անխուսափելի է: Եթե Լևանդովսկին նոր առաջարկ չստանա, կլքի ակումբը որպես ազատ գործակալ: Սաուդյան Պրոֆեսիոնալ լիգայի և MLS-ի ակումբները հետաքրքրություն են ցուցաբերում, ինչպես նաև իտալական ակումբները, բայց տրանսֆերը չափազանց թանկ է նրանց համար: Այս փուլում, ինչպես երեկ հաղորդվել էր, նրա մնալը ակումբում չափազանց անհավանական է»,- գրել է Ռոմանոն: 37-ամյա Ռոբերտ Լևանդովսկին «Բարսելոնայի» կազմում է 2022 թվականից: Նրա պայմանագիրը ակումբի հետ ուժի մեջ է մինչև 2026 թվականի հունիսի վերջը:
