Չինաստանի նախագահ Սի Ծինփինը մայիսի 15-ին փակ հանդիպում է ունեցել պետական այցով երկիր այցելած Միացյալ Նահանգերի նախագահ Դոնալդ Թրամփի հետ։ Ինչպես հաղորդում է Չինաստանի պետական հեռուստաընկերությունը, Սի Ծինփինը դրական է գնահատել ամերիկյան կողմի հետ հանդիպումները։ «Այս այցը պատմական է։ Միասին մենք հաստատեցինք կառուցողական, ռազմավարական և կայուն Չինաստան-ԱՄՆ հարաբերություններ ունենալու նոր դիրքորոշումը», -ասել է Չինաստանի նախագահը։ Նա հայտարարել է, որ Թրամփի հետ բանակցությունների արդյունքում կարևոր փոխըմբռնումների են հասել կայուն տնտեսական և առևտրային կապերը պահպանելու, տարբեր ոլորտներում համագործակցությունն ընդլայնելու և միմյանց մտահոգությունները պատշաճ կերպով լուծելու վերաբերյալ։ «Այցը նաև օգտակար է փոխըմբռնման խթանման, միմյանց նկատմամբ վստահության խորացման և երկու երկրների ժողովուրդների բարեկեցության մակարդակի ավելացման համար», – ասել է Սի Ծինփինը։ Չինաստանի առաջնորդը կարևորել է այս բանակցություններում ձեռք բերված կոնսենսուսը պահպանելն ու հարաբերությունները ճիշտ ուղու վրա պահելը։
