Հունգարիայի վարչապետ Պետեր Մադյարը հայտարարել է, որ մտադիր է փոփոխություն մտցնել սահմանադրության մեջ՝ երկրի նախագահին պաշտոնից հեռացնելու համար, հայտնում է Bloomberg գործակալությունը։ Նա համապատասխան հայտարարությունն արել է նախագահ Տամաշ Շույոկի հետ հանդիպումից հետո, այն բանից հետո, երբ մայիսի 31-ին լրացել է վերջնաժամկետը, որը Մադյարը սահմանել էր պետության ղեկավարի հրաժարականի համար։ Վարչապետը նշել է, որ կտեղեկացնի խորհրդարանականներին այն մասին, թե ինչպես է իր կառավարությունը մտադիր գործել՝ նախագահի հրաժարականին հասնելու համար։ Իր հերթին Շույոկը կրկին բացառել է կամավոր հրաժարականը։ Ընտրություններում հաղթելուց հետո Մադյարը հայտարարել էր, որ Հունգարիայի նախագահը և մի շարք բարձրաստիճան պաշտոնյաներ պետք է հրաժարական տան մինչև մայիսի 31-ը։
