Թուրքիայի արտաքին գործերի նախարար Հաքան Ֆիդանը հայտարարել է, որ Մոսկվայում, Ռուսաստանի արտաքին գործերի նախարար Սերգեյ Լավրովի հետ բանակցությունների ժամանակ, ինքը հայտնել է Անկարայի պատրաստակամությունը՝ հյուրընկալելու Ուկրաինայի հակամարտության կարգավորման շուրջ բանակցությունները։ «Իմ գործընկերոջ հետ բանակցությունների ժամանակ մենք փոխանցել ենք Թուրքիայի պատրաստակամությունը՝ հյուրընկալելու Ուկրաինայի շուրջ բանակցությունները։ Անկարան հույս ունի կողմերին վերադարձնել բանակցային սեղանի շուրջ»,- ասել է Ֆիդանը։
