Լոնդոնի «Արսենալի» նախկին մարզիչ Արսեն Վենգերը կիսվել է ֆրանսիական ֆուտբոլի հաջողության պատճառների վերաբերյալ իր կարծիքով։ «Կարծում եմ՝ մեր հաջողությունը պայմանավորված է կրթության որակով, տաղանդների բացահայտմամբ, որը շատ երկրներում անտեսվում է, ինչպես նաև աֆրիկյան ներգաղթով։ Եթե նայեք ֆրանսիական ֆուտբոլի պատմությանը, մեր պատմությունը սերտորեն կապված է ներգաղթի հետ։ «Ոսկե գնդակի» առաջին ֆրանսիացի դափնեկիր Ռայմոն Կոպան լեհական ծագում ուներ։ Այնուհետև մենք ունեինք Միշել Պլատինիին՝ իտալացի ներգաղթյալ։ Ապա մենք ունեինք Զինեդին Զիդանին՝ ալժիրցի ներգաղթյալ։ Ժան-Պիեռ Պապենը ներգաղթյալ չէր։ Բայց մենք ունեինք Քարիմ Բենզեման՝ ալժիրցի ներգաղթյալ, և հիմա՝ Ուսման Դեմբելեն՝ աֆրիկացի ներգաղթյալ։ Նրանք գալիս են, քանի որ զգում են, որ Ֆրանսիան իրական կրթական ներուժ ունի, և նրանք հաճախ ոգևորված են, քանի որ գիտեն, որ պետք է պայքարեն լավագույնը լինելու համար», – ասել է Արսեն Վենգերը Թոնի Կրոսի փոդքասթում։
