Սպիտակ տանն ԱՄՆ նախագահ Դոնալդ Թրամփն ընդունել է Ուկրաինայի նախագահ Վոլոդիմիր Զելենսկուն։ Ըստ ԶԼՄ-ների՝ հանդիպումը տևել է 1 ժամից պակաս։ Հանդիպմանն անդրադարել է Զելենսկին՝ հրապարակելով լուսանկարներ։ «Լավ հանդիպում էր նախագահ Թրամփի հետ։ Շնորհակալ եմ այն ամենի համար, ինչ միասին անում ենք՝ ուկրաինացիների կյանքը պաշտպանելու և խաղաղության հասնելու համար։ Նախևառաջ նախագահ Թրամփին ցավակցություն հայտնեցի Լինդսի Գրեհեմի մահվան կապակցությամբ։ Նա Ուկրաինայի իսկական բարեկամն էր»,- գրել է Զելենսկին։ Նրա խոսքով՝ կողմերը քննարկել են «Patriot» համակարգերի համար նախատեսված հրթիռների արտադրության լիցենզիաների, ինչպես նաև մի շարք այլ նախաձեռնությունների հարցեր, որոնք կարող են նպաստել Ուկրաինայի պաշտպանությանը։ Զելենսկին նշել է, որ հանդիպման ընթացքում անդրադարձ է կատարվել նաև դիվանագիտական գործընթացին՝ ընդգծելով այն ակտիվացնելու անհրաժեշտությունը։ «Մեր թիմերը կհամաձայնեցնեն հետագա հաղորդակցության մանրամասները։ Շնորհակալ եմ Միացյալ Նահանգներին՝ ամուր աջակցության համար»,- հավելել է նա։
