Ռուսաստանյան քաղաքական էլիտայի ներկայացուցիչները մտավախություն ունեն, որ Անվտանգության դաշնային ծառայությունը (ՖՍԲ) դուրս է եկել վերահսկողությունից։ Համաձայն Bloomberg գործակալության տվյալների՝ Կրեմլի որոշ պաշտոնյաներ անհանգստացած են, որ Վլադիմիր Պուտինը, նպատակ ունենալով ամրապնդել իշխանությունը և խստացնել վերահսկողությունը հասարակության նկատմամբ, հատուկ ծառայությանը լիակատար գործելու ազատություն է տվել: Կրեմլին մոտ կանգնած աղբյուրների փոխանցմամբ՝ ռեպրեսիաների նման սաստկացումն ու հստակ սահմանափակումների բացակայությունն սկսել են լուրջ մտահոգություններ առաջացնել վերնախավում: Որպես վերջին ալիքի և ուժեղացող ճնշումների վառ օրինակ՝ գործակալությունը նշում է Telegram-ի համահիմնադիր միլիարդատեր Պավել Դուրովի դեմ առաջադրված ահաբեկչության մեղադրանքը:
