Մարոկկոյի անվտանգության ուժերը շաբաթ օրը կանխել են 111 միգրանտի (հիմնականում՝ Ենթասահարյան Աֆրիկայից) փորձը՝ հասնելու Հյուսիսային Աֆրիկայում գտնվող իսպանական Սեուտա քաղաքի սահմանին։ Անօրինական միգրացիա հրահրելու մեղադրանքով ձերբակալվել է 61 մարդ։ Ինչպես հայտնում է EFE գործակալությունը, նախքան այս զանգվածային փորձը, Մարոկկոյի ուժայինները լույս շաբաթ գիշերը հատուկ գործողություն էին իրականացրել Սեուտայից հարավ-արևմուտք ընկած լեռնային շրջանում։
