Հայաստանի Հանրապետության արտաքին գործերի նախարարությունն անկախության օրվա առթիվ շնորհավորել է Մոլդովային ժողովրդին ու կառավարությանը։ Այս մասին նշված է ԱԳ նախարարության X-ի միկրոբլոգում կատարված գրառման մեջ։ «Ջերմորեն շնորհավորում ենք Մոլդովայի կառավարությանն ու բարեկամ ժողովրդին՝ Անկախության օրվա կապակցությամբ։ Հայաստանն ակնկալում է երկկողմ համագործակցության հետագա զարգացում և երկխոսության խորացում փոխադարձ հետաքրքրություն ներկայացնող ոլորտներում, այդ թվում՝ ավելի լայն եվրոպական համատեքստում»,-ասված է գրառման մեջ։
