Վերջին տարիների մեջ առաջին անգամ դանիացի ժամկետային զինծառայողները տեղակայվել են Գրենլանդիայում․ Դանիան քայլեր է ձեռնարկում Արկտիկայում իր ներկայությունն ամրապնդելու ուղղությամբ այն բանից հետո, երբ ԱՄՆ-ն տարածքը ձեռք բերելու պահանջներ ներկայացրեց։ ԱՄՆ նախագահ Դոնալդ Թրամփը բազմիցս փորձել է ձեռք բերել Դանիայի կիսաինքնավար կղզին՝ վկայակոչելով ազգային անվտանգության մտահոգությունները և Կոպենհագենին մեղադրելով Արկտիկայի պաշտպանությունն անտեսելու մեջ։ Դանիան և Գրենլանդիան վճռականորեն մերժել են այդ գաղափարը։ Ժամկետային զինծառայողները Դանիայի ժամկետային ծառայության ընդլայնված նոր ծրագրի առաջին խմբի մասն են, որի նպատակն է պատրաստել թագավորության ամենառազմավարական և բարդ տարածաշրջաններից մեկում գործելու ունակ զինվորներ։ Կոպենհագենը խոստացել է միլիարդավոր դոլարներ հատկացնել Արկտիկայի պաշտպանությունն ամրապնդելու համար այն բանից հետո, երբ Դանիայի պաշտպանության նախարարն ընդունեց տարածաշրջանում տարիներ շարունակ թերի ներդրումներ կատարելու փաստը։
