Եվրահանձնաժողովի նախագահ Ուրսուլա ֆոն դեր Լայենը քննադատել է Բելգրադում Ռատկո Մլադիչի հուղարկավորության ժամանակ տեղի ունեցածը՝ այն անվանելով ցնցող։ Նա նշել է, որ Մլադիչը դատապարտված ռազմական հանցագործ էր, որը պատասխանատու էր ցեղասպանության, ռազմական հանցագործությունների և մարդկության դեմ հանցագործությունների համար։ Ֆոն դեր Լայենի խոսքով՝ հուղարկավորությանը պաշտոնական աջակցության դրսևորումները և սերբ բարձրաստիճան պաշտոնյաների ներկայությունը խորապես ցավալի են։ Նա ընդգծել է, որ դա վկայում է Սերբիայի՝ Եվրոպայի նորագույն պատմության մութ էջերին առերեսվելու անկարողության մասին և հակասում է Եվրամիությանն անդամակցելու երկրի ճանապարհի հիմքում ընկած արժեքներին։ Եվրահանձնաժողովի նախագահը իր աջակցությունն է հայտնել նաև նախկին Հարավսլավիայի երկրներում իրականացված հանցագործությունների բոլոր զոհերի ընտանիքներին ու հարազատներին։
