ՌԴ նախագահի մամուլի քարտուղար Դմիտրի Պեսկովը հայտարարել է, որ Կիևը Ուկրաինայի հակամարտության կարգավորման հարցում բավարար ճկունություն չի ցուցաբերում և, նրա գնահատմամբ, լիարժեք պատրաստակամություն չունի պատերազմը դադարեցնելու։ Պեսկովի խոսքով՝ Ուկրաինան շարունակում է կախված մնալ եվրոպական որոշ երկրներից, որոնք չեն հրաժարվել Ռուսաստանի ռազմավարական պարտության գաղափարից։ Նա ընդգծել է, որ Մոսկվան թույլ չի տա նման սցենարի իրականացումը։
