Մոսկվան աշխատում է Վաշինգտոնի հետ, և բանակցությունների ընթացքում ԱՄՆ ներկայացուցիչները կառուցողական ու բարեկամական վերաբերմունք են դրսևորում։ Ինչպես տեղեկացնում է «ՌԻԱ Նովոստի»-ն, այդ մասին հայտնել է Ռուսաստանի նախագահի օգնական Յուրի Ուշակովը։ «Աշխատանքն ընթացքի մեջ է։ ՌԴ նախագահ Վլադիմիր Պուտինը օրերս զրուցել է ԱՄՆ նախագահ Դոնալդ Թրամփի հետ։ Ամերիկյան կողմի վերաբերմունքը շատ բարեկամական և կառուցողական էր», – ասել է Ուշակովը՝ պատասխանելով ԱՄՆ-ի հետ շփումների վերաբերյալ հարցին։
