Կանադայի վարչապետ Մարկ Քարնին և Ֆրանսիայի նախագահ Էմանուել Մակրոնը վերջին ամիսներին սկսել են ավելի կոշտ արձագանքել ԱՄՆ նախագահ Դոնալդ Թրամփի հայտարարություններին ու քաղաքականությանը։ POLITICO-ի վերլուծության համաձայն՝ երկու առաջնորդներն անգամ հրապարակային ծաղրանքի միջոցով են հակադարձում Թրամփին։ Քարնին, օրինակ, ծաղրել է Թրամփի այն հայտարարությունը, թե ՄԱԿ-ում իր ելույթի ժամանակ հեռահաղորդիչի խափանումը կարող էր դավադրության հետևանք լինել։ Ավելի ուշ նա նաև հրապարակային միջոցառման ժամանակ նմանակել է Թրամփի հայտնի ձեռքի շարժումները։ Մակրոնը ևս ակտիվորեն հակադարձում է ԱՄՆ նախագահին։ Վերլուծաբանների կարծիքով՝ նրանց վարքագծի նպատակներից մեկը մյուս արևմտյան առաջնորդներին ևս Թրամփի նկատմամբ ավելի ինքնուրույն դիրքորոշում որդեգրելուն խրախուսելն է։ Քարնին և Մակրոնը դարձել են «դիմադրության առաջնորդներ»։ Միևնույն ժամանակ, փորձագետները զգուշացնում են, որ Թրամփի հետ հրապարակային առճակատումը կարող է նաև քաղաքական և տնտեսական ռիսկեր ստեղծել։
