«Renault»-ը ներկայացրել է «Renault 8 Gordini Concept»-ը՝ 1960-ականների լեգենդար «Renault 8 Gordini»-ի էլեկտրական և ժամանակակից տարբերակը։ 1964 թվականին ներկայացված «Renault 8 Gordini»-ն հայտնի էր իր հետևի քարշակով, թեթև կառուցվածքով և յուրահատուկ կառավարելիությամբ։ Նոր կոնցեպտը նույնպես ստացել է հետևի քարշակ և էլեկտրական շարժիչ՝ համադրելով դասական մեքենայի դիզայնը ժամանակակից տեխնոլոգիաների հետ։ Սրահում «Renault»-ը հրաժարվել է մեծ սենսորային էկրաններից։ Դրանց փոխարեն օգտագործվել են ֆիզիկական կոճակներ, անջատիչներ և վեց առանձին թվային ցուցիչներ։ Դիզայնի մի շարք տարրեր ոգեշնչված են 1960-ականների «Renault 8 Gordini»-ից։ Մեքենան ստացել է նաև ածխածնային մանրաթելից պատրաստված սպորտային նստատեղեր՝ կապույտ կորդուրոյե կենտրոնական հատվածներով։ Սրահում տեղադրված է նաև վայրկյանաչափ՝ ընդգծելով մեքենայի կապը ավտոսպորտի հետ։ Այն կցուցադրվի «Renault Carwalk»-ում և Փարիզի ավտոսրահում, իսկ հետագայում կտեղափոխվի «Renault»-ի հավաքածուի թանգարան՝ Ֆլանսում։
