«Lynk & Co» չինական ավտոմոբիլային բրենդը ներկայացրել է նոր էլեկտրամեքենա՝ «Lynk & Co 20»-ը, որի մեկնարկային գինը Չինաստանում մոտ 15 հազար եվրո է։ Մոդելի վաճառքի մեկնարկից ընդամենը մեկ ժամ անց ընկերությունը ստացել է 14 663 հաստատված պատվեր։ Մեքենան համալրված է 800-վոլտ համակարգով, 329 ձիաուժ հզորությամբ շարժիչով և LiDAR սենսորով։ 0-ից 100 կմ/ժ արագության է հասնում 6,4 վայրկյանում։ «Lynk & Co 20»-ը հասանելի է երկու մարտկոցով, որոնց հայտարարված առավելագույն ընթացքը կազմում է մինչև 630 կմ։ Արագ լիցքավորման դեպքում մարտկոցը 10%-ից մինչև 80% լիցքավորվում է մոտ 12 րոպեում։ Մեքենայի սրահում ևս շեշտը դրվել է տեխնոլոգիաների վրա․ այն ունի 15,4-դյույմանոց էկրան, 23 բարձրախոսով աուդիոհամակարգ, անլար լիցքավորում և ավտոմատ կայանման համակարգ։ «Lynk & Co 20»-ը ընկերության համար պարզապես նոր մոդել չէ․ ներկայացվել է այն ժամանակ, երբ ապրանքանիշը բախվում է ներքին շուկայում վաճառքների անկման հետ՝ շեշտը դնելով համեմատաբար ցածր գնի, արագ լիցքավորման, հզոր շարժիչի և տեխնոլոգիական համալրման վրա։
