Մայքլ Ջորդանի՝ 1998 թվականի NBA-ի եզրափակիչի երրորդ խաղում կրած մարզաշապիկը երեքշաբթի աճուրդում վաճառվել է ռեկորդային 12,26 մլն դոլարով։ Մարզաշապիկը Ջորդանը կրել է «Չիկագո Բուլզի» կազմում իր կարիերայի վերջին՝ վեցերորդ չեմպիոնական մրցաշրջանում, որը հայտնի է որպես «Վերջին պարի» (The Last Dance) սեզոն։ Մարզաշապիկը վաճառքի էր հանել ձեռնարկատեր Ռայան Գոֆը, իսկ աճուրդն անցկացրել է Ֆարել Ուիլյամսի թվային աճուրդային տունը՝ Joopiter-ը։ Այս վաճառքով գերազանցվել է Ջորդանի մարզահուշանվերների նախկին ռեկորդը․ 2024 թվականին նույն եզրափակիչի առաջին խաղում նրա կրած մարզաշապիկը վաճառվել էր 10,091 մլն դոլարով։ Միաժամանակ, սպորտային աճուրդների պատմության ամենաթանկ խաղային մարզաշապիկի ռեկորդը շարունակում է պատկանել Բեյբ Ռութի 1932 թվականի Համաշխարհային սերիայի մարզաշապիկին, որը 2024 թվականին վաճառվել էր 24,12 մլն դոլարով։
