Չինաստանի իշխանությունները հավանություն են տալիս խաղաղ երկխոսությանն ուկրաինական ճգնաժամի կարգավորման գործում: Ինչպես տեղեկանում է ՏԱՍՍ գործակալությունից, այդ մասին հայտարարել է Չինաստանի արտաքին գործերի նախարարության պաշտոնական ներկայացուցիչ Մաո Նինը: «Մենք մշտապես կարծում ենք, որ երկխոսությունը (ուկրաինական) ճգնաժամի կարգավորման միակ ուղին է, և հավանություն ենք տալիս այն բոլոր ջանքերին, որոնք ուղղված են խաղաղության հաստատմանը», – ասել է նա ճեպազրույցի ժամանակ՝ անդրադառնալով երկու երկրների միջև հայտարարված էներգետիկ հրադադարին:
